Thursday, March 30, 2017

කොරියානු දිනපොත (Korean Diary) ;- කාබනික ආහාර (Organic Food)


දකුණු කොරියාවේ වෙළද පොලට කාබනික ආහාර පැම්නිම වැඩි වී ඇත. මෙම කාබනික ආහාර වලට රසායනික පොහොර හෝ කෘමිනාශක යෙදීමක් සිදු නොවේ. කාබනික ආහාර සහ එසේ නොවන ආහාර පිසීමෙන් පසුව රසය පැහැය සහ සුවබාවය වෙනස් වන බව පැවසේ. මේ බව සදහන් වුයේ ගුවන්ජු නිවුස් මාර්තු කලාපයට ලියන ලද ලිපියකය.

කාබනික නොවන ආහාර පිළිකා වැනි රෝග වලට හේතුවනවා සේම පරිසර ආරක්ෂනයටද අහිතකර ලෙස බලපාන බව දකුණු කොරියාවෙන් වාර්තා වේ. ළමුන්ට චර්ම රෝග ඇතිවීමේ අවදානමද මේ නිසා වැඩි වේ. කාබනික ආහාර නිපදවීම දරනිය ආර්ථිකයකට මෙන්ම පරිසරයකටද වැදගත් වේ.

1970 දශකයේ මුල් බාගයේ දකුණු කොරියාවට කාබනික ආහාර හදුන්වා දෙනු ලැබිණි. එය 2004 සිට 2009 දක්වා කාල පරිච්චේදය තුල එය වැඩිවුණි. දැනට මෙහි කාබනික ගොවිපලවල් 80,000 කට වැඩි ප්‍රමාණයක් තිබෙන බව වාර්තා වේ. 

ශ්‍රී ලංකාවේ කාබනික ආහාර පිළිබද අලුත් උනන්දුවක් ඇතිව තිබේ. මෙහිලා දකුණු අප්‍රිකානු අත්දැකීම් ඉතා වටිනා බව කිව යුතුය. 

Wednesday, March 29, 2017

කොරියානු දිනපොත (Korean Diary) ;- පොතක වරුණ (Book Review - Human Acts)



මෙය කොරියානු නවකතාවකි. මෙම පොත ඉංග්‍රීසියට පරිවර්තනය කර ඇත. ආරම්බයේ සිට අවසානය දක්වා මනුශ්ශත්වය  ප්‍රශ්න කරයි. මෙම මනුෂ්‍යත්වය දිගටම පවත්වා ගන්නේ කෙසේද? එය අවශ්‍ය කරුණකි. මෙයට විෂය වන්නේ 1980 මැයි 18 කුවන්ජු පිබිදීමයි. කතුවරිය හන් කනය. ඇයට අනුව මන්ෂ්‍ය ගාතනයක් ගැන ලිවිම පහසු නැත. එහි අවසාන පරිච්ච්යෙදී කතුවරියගේ මෙම පිබිදීමට ඇයට ඇති සබදතාවය සාකච්චා වේ. ඇගේ ගම් පියස කුවන්ජු වේ. ඇය සහ ඇගේ පවුල මෙම පිබිදීම අතරතුර සියෝල් වෙත ගියහ. නමුත් ඇගේ කිසිදු ඥාතියෙකුට පිබිදීම නසා හානියක් වුයේ නැත. 

මෙය මාහැගි පොතකි. මට මෙය ලැබුනේ මැයි 18 අනුස්මරණ පදනමිනි. පොත ගෙන දුන්නේ චෝයි මහතාය. 

දකුණු කොරියාවෙන් බොහෝ පාඩම් උගත හැක. එය අපේ රටවල ප්‍රජාතන්ත්‍රවාදය සහ මානව හිමිකම් ආරක්ෂාවට සහ ප්‍රවර්දනයට කදිම නිදසුනකි. එබැවින් මෙම කෘතිය තෙවන ලෝකයේ සංවර්දනය වෙමින් පවතින රටවල පාටකයින් අතට පත් කල යුතුව තිබේ. 

Wednesday, March 22, 2017

කොරියානු දිනපොත (Korean Diary) ;- බෝට්ටුව ගොඩ ගනී. (Sewol seen above water after 1073 days)



දවස් 1073 කට පසුව බෝට්ටුව ගොඩ ගනී. එය ඊයේ සිදු වුනි. මෙය නිරිත දිග මුහුදේදී සිදු විය. එනම් ජින්දෝ දුපතෙදිය. එය බදාදා සිදුවූ බව ආණ්ඩුවේ නිලදාරීන් ප්‍රකාශ කරති. ඒය හොදින් සිදුවූ බවද ප්‍රකාශ වේ. එය මතුපිටින් මීටර 13ක් උඩට එසැවිණි. සියල්ල හොදින් සිදුවූ බව සාගර සහ දිවර අමාත්යංශය පවසයි. ගලවා ගැනීමේ කණඩායම රාත්‍රිය පුරා වෙහෙසුණු අතර කාලගුණය හොද බවත් රැලි දරා ප්‍රචණ්ඩ නොවූ බවත් වාර්තා වේ. 

මෙම බෝට්ටු අනතුරින් 300 ක් පමණ මිය ගිය අතර එයින් බහුතරය උසස් පාසල් සිසුන් විය.

 මෙම සියෝල් කෙදවාචකයට හිටපු ජනපතිනිය වග කිය යුතු බව ප්‍රකාශ වන අතර දෙසැම්බර් 09 ඇයට එරෙහිව දෝෂාබියෝගයක් ගෙන එම ජාතික සබාව කඩිනම් කලේ මේ නිසා බවද ප්‍රකාශ වේ. ඇය මෙම කෙදවාචකය සිදුවන අවස්ථාවේ ප්ලාස්ටික් ශල්‍යකර්මයකට බාජනය වෙමින් සිටි බව ප්‍රකාශ වෙතත් එම චෝදනා පාක් පාර්ශවය තරයේ ප්‍රතික්ෂේප කරයි. 

මෙම සිදුවීමට අදාල සියලු ලිපි කියවීමට පහත සබදියාවන් වෙත යොමු වන්න.



Tuesday, March 21, 2017

කොරියානු දිනපොත (Korean Diary ) ;- ලේ දන්දිම ( Donating Blood in Gwangju)


ඒ 1992 වසරයි. මම උසස් පෙලට විද්‍යා විෂයන් හැදරු කාලයයි. අපේ ටියුෂන් පන්තිය අසල පන්සලක් විය. එහිද ලේ දන් දීමේ වැඩපිළිවෙලක් ක්‍රියාත්මක වුනි. මම මගේ මිතුරියන් සමග එහි ගියෙමි. නමුත් මට ලේ දන්දීමට සුදුසුකමක් නොවිණි. ඒ බර මදිවීම නිසාය. 

මේ කුවන්ජු නිවුස්හි පල වූ තවත් පුවතකි. එය ලියා තිබුනේ එමි බදන්හෝල් විසිනි.

ලේ වූකලී එක් පුද්ගලයෙකුගෙන් තවත් පුද්ගලයකුට දිය හැකි වටිනාම තිළිණයක් වේ. එය ජීවිතය පිළිබද තියගයකි. එය ජිවිතයක් බේරා ගැනීමකි. එය රක්තානු පට්ටිකා ප්ලාස්මා ලෙස බෙදී යම් නිශ්ශිත තත්වයන් යටතේ රෝගියෙකුට උපකාර වේ. මම ඩවුන් ටවුන්හි ලේ බැංකුව වෙත ගියෙමි. ඒ ජාත්‍යන්තර පදිචිකරුවන් කෙසේ ලේ දන් දන්දෙන්නේදැයි සොයා ගැනීමටයි

ඔබ එහි යායුත්තේ කොරියන් බස දන්නා කෙනෙක් සමගයි. අවාසනාවකට එහි පරිවර්තන කටයුතු සදහා කොරියන් බස දන්නා කෙනෙක් නැත. එම නිසා තත්වය සංකීර්ණ වේ.

ඔබ ගොඩනැගිල්ලට පිවිස කල ඔබේ වම් අත පැත්තේ පරිගණක දැකිය හැක. ඒවා මේස මත තබා තිබේ. ඉන්පසුව ඔබ ගිණුමක් විවුර්ත කර ප්‍රශ්නාවලියක් සම්පුර්ණ කල යුතුය. එහි සදහන් ප්‍රශ්න වන්නේ අද දවස ඔබට කොහොමද? ඔබ නිශ්ශිත බෙහෙත් වර්ගයක් පාවිච්චි කරන්නේද ? ආදී වශයෙනි. මෙහිදී ජාත්‍යන්තර පදිංචිකරුවන්ට ලේ දන්දිම පිළිබද පක්ෂපාතිත්වයක් නැත. ඉන්පසුව ඔබට පිළිගැනීමේ කවුන්ටරය වෙත යා හැක. ඔබට එහිදී අංකයක් ගත හැකි අතර ඉන්පසුව දෙවන මහලට යා හැක.

එහිදී ඔබට හෙදියක හමු වේ. ඇය වැඩි දුරටත් ප්‍රශ්න අසනු ලැබේ. ඇය අසත්මිකතාවන් හදුනා ගැනීමට ඔබේ අගිල්ලකට විද ලේ ගනු ඇත. මෙහිදී වේදනාවක් ඇති නොවේ. ඒ ඔබේ ලේ සහ ප්‍රතිශක්තිකරණ පද්දතිය ලේ දන්දීමට සුදුසුදැයි බැලීමටය. ඔබට ගැටළු නැත්නම හොද සවුක්කයෙන් පසුවේනම් ඔබට ලේ පරිත්‍යාග කිරීමේ ඇදන් වෙත යා හැක. එහදී හෙදිය ඔබට සියලු පහසුකම් සලස්වනු ලැබේ. ලේ දන්දෙන අවස්ථාවේ ඔබට යම් බිමක්ද පානයට දෙනු ඇත. එය අලුත් වීමට වේ. සියලු ක්‍රියාදාමයට විනාඩි 40 සිට 60 දක්වා කාලයක් ගතවනු ඇත. එනම් ලේ දන්දීමට යම් කාලයක් ගතවනු ලැබේ. මෙය වේදනාවක් ගෙන දෙන්නේ නැත. කාර්යමණ්ඩලය මිත්‍රශීලි වන අතර උදවු කිරීමට ඉතා කැමති වේ.

යම් කුතුහලය දනවන තත්වයක්ද තිබේ. පැතිර යන කතා ඇත. එනම් කොරියාවේ විදේශීය ලේ විදේශිකයින්ට පමණක් බවය. තවද විදේශිකයින්ට ලේ දන්දීමට ඉඩ නොදෙන බවය. මෙම සදහන් කිරීම් වැරදිය. කෙසේනමුත් විදේශිකයකුට බලපාන නිශ්ශිත කොන්දේසි තිබේ. එය ඔබ ස්ථිර පදිංචි නැති සැම රටකටම පොදුය.

1. ලේ දන්දීමට නම් ඔබ අවම වශයෙන් දකුණු කොරියාවේ වසරක කාලයක් සිටිය යුතුය.
2. ඔබ පසුගිය මාස දෙකක කාලය තුල විදේශ සංචාරයක නිරතව තිබේනම් ඔබට ලේ පරිත්‍යාග කල නොහැක.
3. ලේ පරිත්‍යාග කිරීමට අවම වශයෙන් පැය දෙකකට පෙර ඔබ හොද ආහාර වේලක් ගෙන තිබිය යුතුය.
4. කිලෝග්‍රෑම් 45ක බරක් තිබිය යුතුව ඇත.
5. අදාල පරිත්‍යාග කරන්නාගේ සවුක්ය තත්වය පරික්ෂා කරනු ලැබේ. එනම් පරිත්‍යාග කරන්නාගේ උෂ්ණත්වය, රුදිර පීඩනය, රක්තානු, හෙමටෝච්රිට් (hematocrit) මැන බලනු ලැබේ.

ජිවිත රැක ගැනීමට ඔබට වයිද්යවරකු වීමටම අවශ්‍ය නැත.

Monday, March 20, 2017

කොරියානු දිනපොත (Korean Diary);- එළවලු පමණක් ආහාරයට ගැනීම. (Eating Vegetarian in Gwangju)


මට අද උදේ චෝයි මහහා සගරා දෙකක් ගෙන දුන්නේය.  ගිය සතියේ එම සගරාවේම වෙනස් කලාපයක් මට දාසොම් ගෙනත් දුන්නාය. ඒ Guwangju News යන්නයි. ඒවා ඉතා හොද නිමාවකින් යුක්ත වේ. මෙම සගරාව කොරියාවේ පළමු දේශීය ඉංග්‍රීසි සගරාව වේ. එය පළමු වරට මුද්‍රණය වුයේ 2001 වසරේදීය. එහි දේශීය හා කලාපිය ප්‍රවුර්ති සටහන් වේ. 

එහි 2017 ජනවාරි කලාපයේ එක ලිපියක් වුයේ කුවන්ජු හි එළවලු පමණක් ආහාරයට ගැනීමයි. එම ලිපිය ලියා තිබුනේ සහ චයාරුප ගෙන තිබුනේ සෙං දෙඅන්ජෙලෝ නැමැත්තා විසිනි. 

'' කුවන්ජු හි කීදෙනෙක් එළවලු පමණක් ආහාරයට ගන්නේද? එළවලු පමණක් ආහාරයට ගන්නා අයට එය කුවන්ජුහි ලෙහෙසි පහසු කාර්යක් නොවේ. එයට විසදුම තමන් විසින්ම උයා පිහා ගැනීමයි. වෙනත් සම්මුතියක් නැත. කිම්චි ඉතා සවුක්ය සම්පන්න ආහාරයකි. එය එළවළුවක් වුවද එයට මුහුදු ආහාර සමහර විට මිශ්‍ර කෙරේ.''

මෙම සගරාව ඉතා වටිනා එකක් වන අතර කුවන්ජු ගැන බොහෝදේ ඉගෙන ගත හැක. විදෙස් පුවත්ද ආවරණය කර ඇත. 


Sunday, March 19, 2017

කොරියානු දිනපොත (Korean Diary) ;- ගිලුණු බෝට්ටුව ඇදගෙන යාමට සියල්ල සුදානම්.


මෙම බෝට්ටුව් මිට වසර තුනකට පෙර ගිනිකොන දිග මුහුදේ ගිලිනි. ගිය ඉරිදා එය ගොඩ ගැනීමට සියල්ල සුදානම් කෙරිණි. එය රටේ සිදුවූ වඩාත් නරකම මුහුද ආශ්‍රිත කෙදවාචකය වේ. පුද්ගලයින් 300ක් මරණයට පත් විය. එයින් වැඩි හරියක් පාසල් විනෝද චාරිකාවකට සහබාගි වූ උසස් පාසල් සිසුන් විය. මීටර් 145 ක් වූ ටොන් 6825 ක් වූ බෝට්ටුව අමාත්යංශය සහ චීන කොන්ත්‍රාත්කරුවක වන ෂැන්හයි ගලවා ගැනීමේ මෙහෙයුමක් විසින් ඔවුන් එකතුව ගොඩ ගනු ලැබේ. බෝට්ටුව පරික්ෂා කිරීමට විශේෂ කමිටුවක් ඉතා ඉක්මනින් පිහිටවනු ලබන අතර නිතිය ක්‍රියාත්මක වීම ලබන අගහරුවාදා ආරම්බ කෙරෙනු ඇත. 

මෙම ලිපිය සම්පුර්ණයෙන් ඉංග්‍රීසි බාෂාවෙන් කියවීමට පහත සබැදියාව හා යොමු වන්න.



Thursday, March 16, 2017

කොරියානු දිනපොත (Korean Diary) ;- ස්ත්‍රීවාදී බාන්ඩ.


මෙය වියාපරයක්ද වෙළද උපක්ක්‍රමයක්ද යන්න ප්‍රශ්න ගත වේ. මේ තත්වයට හේතුව ස්ත්‍රීවාදී බාන්ඩ වේ. රෝස පාට දිනපොතේ ලියවුනේ හොද ගැනු ළමයි දිවය්ලෝකයේ යන බවත් නරක ගැනු ළමයි සැම තැනම යන බවයි. මෙය කාන්තා අයිතිවාසිකම් ස්ථිර කිරීමට බව කියැවුණි. එය කාන්තාව බල ගැන්වීම සදහාය. පාරිබෝගිකයන් මෙම බාන්ඩ ගත් විට ඔවුන් ස්ත්‍රීවාදී වියාපාරයේ අය යන හැගීම ඇතිවන බව පැවසේ. ගිය ජුලි මස මේ පිළබද ටුවිටර් සමාජ මද්යේද පිටුවක් විවුර්ත කෙරිණි. දකුණු කොරියාවේ ස්ත්‍රීවාදී ද්රවිය විකිණීම අරබුනේ ගිය මැයි මාසයේදීය. ඒ අන්තර්ජාලය හරහා විශේෂයෙන්ම සමාජ මාද්‍ය මගිනි.

මෙම ලිපිය ඉංග්‍රීසි බසින් කියවීමට පහත සබැදියාව වෙත යොමු වන්න.

Monday, March 13, 2017

කොරියානු දිනපොත (Korean Diary) ;- විදේශිකයින්ට නොමිලේ නීති සේවා.


දකුණු කොරියාවේ විදේශිකයින්ට නොමිලේ නීති සේවා සැපයීමේ කටයුත්ත පුළුල් කර ඇත. එය මාර්තු 13 සදුදා ආරම්බ විය. එය විසා තත්වය ගැන නොසලකා ක්‍රියාත්මක වේ මෙය යුක්තිය පිළිබද අමාත්‍යංශයේ තීරණයක් විය. එය 2015 දී සොල්වලින් ආරම්බ කෙරුනේ එහි වැඩිම විදේශිකයින් සංක්‍යාවක් සිටින බැවිනි. 2015 කොරියාවේ ජනගහනයෙන් 4%ක් විදේශිකයින් වන අතර එය සන්කයාත්මකව මිලියන 1.71 කි. මෙම විදේශිකයින්ට බාෂාව සහ තොරතුරු මදකම නිසා දේශීය නීති සේවා වලට යොමු විය නොහැක. මේ අලුත් සේවාව යටතේ දුරකථන අංක 1345 ඔස්සේ නීති උපදෙස් සදහා යොමු විය හැක. 

ශ්‍රී ලංකාවේද මෙවැනි යාන්ත්‍රණයක් ක්‍රියාත්මක වන්නේ නම් මැනවි. එය විදේශිකයින්ට පමණක්නොව දේශීය ජනගහනය ද සලකා ගෙනය. 2017 දී ශ්‍රී ලංකාවේ නීතිඥ සංගමය ජාතික නීති සතියක් පැවැත්විය. එය ඔබට යුක්තිය මැයෙන් පවත්වනු ලැබිණි. පෙබරවාරි 27 සිට මාර්තු 05 දක්වා පැවති එයට නීතිඥවරුන් 1000ක් පමණ සහබාගි වුනි. 

මෙම ලිපිය සම්පුර්ණයෙන් ඉංග්‍රීසි බාෂාවෙන් කියවීමට පහත සබැදියාව හා යොමු වන්න.

Thursday, March 9, 2017

කොරියානු දිනපොත (Korean Diary) ;- පාක්ට ගෙදර යන්න වෙයි.


අද කොරියානු ජනතාවට වැදගත් දිනයක් විය. මගේ කාර්යාලයේ අයද උදැසන 11 ට අන්තර් ජාල වීඩියෝ හරහා හිටපු ජනපහි පාක්ගේ දෝෂාබියෝගයට මොකද වෙන්නයි බැලුහ. ඇයට එරෙහිව විවස්ථාදායක අදිකරණය දෝෂාබියෝගය පිළිගත්හ. මෙය එතිහාසික තීන්දුවකි. මේ අනුව දකුණු කොරියාවේ දෝෂාබියෝගයෙන් ඉවත්කළ පළමු ප්‍රජාතන්ත්‍රවාදී ලෙස පත්වූ ජනපතිනිය පාක් බවට වේ. පාක්ට දුෂණ චෝදනා එල්ල විය. මේ සිද්දිය රටේ දැඩි ජනතා උද්ගෝෂණ වලට හේතු වුනි. 

Wednesday, March 8, 2017

කොරියානු දිනපොත (Korean Diary) ;- බීමතින් ප්‍රචණ්ඩ වූ ලොක්කාගේ පුතාට දඩුවම්.


ඔහු හන්වා ප්‍රදානියගේ පුතා වේ. ඔහුට බීමතින් ප්‍රචණ්ඩකාරී ලෙස හැසිරීම පිලිබදව අත්හිටවූ සිරදඩුවම් නියම වී ඇත. සියොල්හි මද්යම දිසා අදිකරණය මෙම දඩුවම පැමිණවිය. ඒ 27 හැවිරිදි කිම් දොන් සේඔන්ට එරෙහිවය. හෙතෙම හන්වා ප්‍රදානියගේ බාල පුත්‍රයා වේ. ඔහුට වසර දෙකකට අත්හිටවූ මාස 08 ක සිරදඩුවමක් පනවනු ලැබිණි. ඔහු බීමතින් මත්පැන් හලේ සේවකයෙකුට පහරදුන් අතර ප්‍රශ්න කිරීමට පොලිසියට රැගෙන යාමේදී පොලිස් රථයටද අලාබ හානි සිදුකර තිබේ. මිට අමතරව ඔහුට පැය 80 ක ප්‍රජා සේවයක් නියම කෙරිණි.

අපේ රටේ මෙවන්නක් සිදුවුවානම් කුමක් සිදුවේද? මාලක සිල්වාගේ සිට දහම් සිරිසේන දක්වා මතකය දිව යයි. ඔවුන් සියල්ල තම දේශපාලන තාත්තලාගේ බලය අතට ගත්හ. නීතියෙන් මුක්තිය හිමිවුණි. මේ තත්වය නොමැති පිවිතුරු පුතෙකුට සිටියේ මියගිය අදිල් බාකිර් මාකර් පමණි. සියල්ලට හේතුව අපේ රටේ නීතියක් නොමැති වීමයි. 

මෙම ලිපිය සම්පුර්ණයෙන් කියවීමට පහත සබැදියාව හා යොමු වන්න.


Sunday, March 5, 2017

කොරියානු දිනපොත (Korean Diary) ;- බලපත්‍රය (License)


දකුණු කොරියාවට එන විට මා මගේ ලැප්ටෝප් පරිගණකය රැගෙන ආවෙමි. මට කාර්යාලයෙන් පරිගණකයක් දී තිබුනද මා වැඩ කලේ මගේ ලැප්ටෝප් එක මගිනි. පැමිණ මාස 05ක් ගත වූ තැන මගේ කස්පස්කි අන්තර් ජාල ආරක්ෂකයාගේ කල් ඉකුත් විය. ලංකාවේ පරිගණක අලුත් වැඩියා කරන්නෙකු හරහා එය නැවත අලුත් කිරීමට උත්සහ ගත්තද එය වියර්ත වුනි. ඔහු උපදෙස් දුන්නේ මෙහි අයෙකු ලවා ගැටලුව විසදා ගන්නා ලෙසයි. මා කාර්යාලයේ චෝයි මහතාට ඒ බව කීවෙමි. ඔහු කිවේ හිම සුද්ද කිරීමෙන් පසුව උදවු කරන බවයි. එයින් පසුවද ඔහු කාර්යබහුල විය. මා කිහිපවරක් ඔහු දෙස බලන විට ඔහු මගේ කාර්යාල යෙහෙළියට එය සාදා දෙන ලෙස පැවසුවේය. ඇය ඒ අනුව සැහැල්ලු මෘදුකාංගයක් බාගත කර දුන්නාය. එයට කිසිදු මුදලක් ගෙවිය යුතු නැත. 

ගිය සිකුරාදා මම වඩ් වල වැඩ කරමින් සිටිනවිට එය කිවේ අක්ටිවෙට්කර ගන්නා ලෙසයි. ප්‍රොඩක්ට් කි එකද ඉල්ලා සිටියේය. මා එය කාර්යාලයේ අයට පෙන්වා උපදෙස් පැතුවෙමි. ඔවුන් කිවේ එහි මිල මා උපයන මුදලට වඩා වැඩි බවයි. මෙය පරිපාලන දෙපාර්තමේන්තුවටද වාර්තා වුනි. එහි අංශ ප්‍රදානි කිවේ අපට මගේ ලැප්ටොපය ගැන වගකීමක් නැති අතර කාර්යාලයෙන් ලබා දී ඇති පරිගණකයට පමණක් වග කියන බවයි. 

මට ඇති වූ ගැටලුව කෙසේද බ්ලොග්කරණයේ යෙදෙන්නේද යන්නයි. එනම් සිංහල අකුරු අවශ්‍ය වීමයි. මම කාර්යාල පරිගණකයට යොමු වුනෙමි. එයට google transliteration ඉන්ස්ටලෙඩ් කර ගතිමි. ප්‍රශ්නය විසදා ගත්තෙමි. මේ මා කාර්යාල පරිගණකයෙන් ලියන පළමු බ්ලොග් පොස්ටුවයි. 

මා අද එන විට ලැප්ටොපය ගෙදර තබා පැමිණියෙමි. අපිට ලංකාවේදී බලපත්‍ර නැත. නමුත් මෙහෙදී බලපත්‍ර ඕන වන අතර ප්‍රොඩක්ට් කි මිල අදිකය. ඔවුන් මෘදුකාංග අන්තර් ජාලය හරහා මුදල් ගෙවා බාගත කර ගනී. 

Wednesday, March 1, 2017

කොරියානු දිනපොත (Korean Diary) ;- Down Town වෙත යාම.





දිනය ගිය ඉරිදාය. මා සෙනසුරාදා යාමට සිටි ගමන ඉරිදාට කල් දැමිණි. වේලාව සවස 03 පමණ විය. මා ජකට්ටුවත් ඇද බස් නැවතුම් පොළ කරා ගියෙමි. මා යන විට එහි කවුරුත් සිටියේ නැත. ටික වෙලාවකින් වයස අවුරුදු 20 ක් පමණ වන තරුණියක් එහි පැමිණියාය. මම ඇගෙන් ඩවුන් ටවුන් වෙත යන බසය ගැන විමසුවෙමි. ඇයට ඉංග්‍රීසි බැරිය. ඊළගට එහි පැමිණියේ වයස අවුරුදු 20 ගණන් වල තරුණයන් දෙපළකි. ඔවුන් ගෙන්ද මම මගේ ගමනාන්තය ගැන විමසුවෙමි. අවාසනාවකට ඔවුන් දෙපලටද ඉංග්‍රීසි බැරිය. මගේ පකිස්ථාන යහළුවා ශානවාස් පවසා තිබුනේ ඩවුන් ටවුන් යාමට අංක 518, 1000 යන බස් යොදා ගත හැකි බවයි. ඒ කලකට ඉහතදිය. එවිටම අංක 518 දරන බස් රථය පැමිණියේය. මම එය නතර වුවිට එහි රියදුරුගෙන් ඩවුන් ටවුන් ගැන විමසුවෙමි. ඔහුට මා ඇසු කිසිවක් අවබෝද කර ගත නොහැකි වුනි. බස් රථය යන්නට ගියේය. මම බසයෙන් ඩවුන් ටවුන් යාමේ අදහස අත හැර දැමුවෙමි. 

මම උමන් දුම්රිය යොදා ගැනීමට අදහස් කලෙමි. මෙම කෙටි දුර දාවන දුම්රිය හදුන්වනු ලබන්නේ සබ් වේ (subway). එය බස් නැවතුම් පොලේ සිට විනාඩි 10 ක් පමණ දුරක් ඇවිද ගිය විට හමුවේ. මම එහි ගියෙමි. එහිදී ප්‍රවේශ පත්‍ර ගැනීමට අවශ්‍ය නොවුයේ මා සතුව ප්‍රවාහන කාඩ් පත තිබු බැවිනි. මම එයට ගමන පිටත් වීමට පෙර මිනි ෂොප් වෙත ගොස් වොන් 2000ක් දැමුවෙමි. මා දුම්රිය පොලට ගොස් එහි සිටි කාන්තාවකට මා යායුතු දුම්රිය ස්ථානයේ නම එයට පෙන්නුවෙමි. ඇය යමක් කොරියන් බෂාවෙන් කියා අතර මට මෙලෝ සසරක් තේරුනේ නැත. මෙම දුම්රිය ස්ථානයේ නම මගේ කාර්යාල යෙහෙළිය දසොම් කොරියන් බශාවේන් මට කොලයක ලියා දී තිබිණි. එවිට ඒ අසල සිටි වයස අවුරුදු 20 ගණන් වල තරුණියන් දෙදෙනෙකුට එය පෙන්වා දුනිමි. එවිට එක තරුණියක් අනෙක් තරුණියට මොනවදෝ කොරියන් බෂාවෙන් පැවසූ අතර අනෙක් තරුණිය මා හට පැවසුවේ ගේට් ටෝගේතෙර් (Get together) යනුවෙනි. එය මට විශාල අස් වැසිල්ලක් විය.

ඊට සුවල්ප මොහොතකට පසුව දුම්රිය පැමිණියේය. අපි තිදෙනාම එයට ගොඩවී එක ලග අසුන් වල හිද ගත්තෙමු. ඔවුන් දෙදෙනාම බහින ස්ථානය දක්වාම ගියේ සිය පෙම්වතුන්ට ස්මාට් ෆෝන් වලින් කතා කරමින් සහ සෙල්ෆි ෆොටෝ ගනිමිනි. අවසානයේ අදාල දුම්රිය පොලට අපි පැමිණියෙමු. මගේ යෙහෙලියන් දේපල මට සමු දුන්හ. මා ඔවුන් දෙදෙනාටම මගේ නාම කාඩ් පත් දුන්නෙමි. 

මා ආසියානු සංස්කෘත මද්යස්ථාන්ය කරා ගියෙමි. එහි විරෝදතාවට දින 173ක් ගතව තිබිණි. එහෙත් තවමත් දකුණු කොරියානු ආණ්ඩුවේ අවදානය මෙයට යොමු වී නැත. විරෝදතාවේ අරමුණ 1980 මැයි 18 පිබිදීමේ වින්දිතයින්ට මෙම සංස්කෘත මද්යස්ථානයේ ඉඩක් ලබා ගැනීම විය. මම එහි චායාරුප කිහිපයක් ගත්තෙමි. 

ඉන්පසුව මා එහි අවට සැරිසැරුවෙමි. තිබහක් ආ බැවින් හිම කිරම රස බැලුවෙමි. පසුව දුම්රිය ස්ථානයට ගොස් සබ් වේ මගින් නිරුපද්‍රිතව නිවස කරා පැමිණියෙමි.