දකුණු කොරියානු පොලිසියකට යන එක යෝජනා කලේ මගේ පියාය. මම එයට උසාවිය බන්දනාගාරය සහ ජිතික මානව හිමිකම් කොමිසම එක් කලෙමි. බනදනාගාරය සාර්ථක වුයේ නැත. ගිය සිකුරාදා අනෙක් ස්ථාන තුනටම අපිව එනම් අෆ්ටාබ්, ටීකා සහ මට එම ස්ථාන වලට ප්‍රවේශය ලබා දීමට දකුණු කොරියානු මැයි 18 අනුස්මරණ පදනම විසින් පියවර ගනු ලැබිණි. මෙහිදී ශ්‍රී ලංකාව බංග්ලාදේශය සහ නේපාලය නියෝජනය කල අපව ඉතා හොදින් පිළිගනු ලැබිණි.
පොලිසියෙන් ඉගෙනීමට බොහෝ තිබිණි. මෙහි වදහිංසා පැමිණවීම් බොරු නඩු දැමීම අතුරුදහන් කිරීම් සහ අදිකරණ ක්‍රියාදාමයෙන් තොරව සිදු කරන මරා දැමීම නැති බව පැවසිනි. එහි සැම ස්ථානයකම කැමරා සවි කර ඇති අතර වෙනම කාමරයක ඒවා අදීක්ෂණය කිරීම සිදු වේ. සැකකරුවන්ගෙන් ප්‍රශ්න කිරීම විශේෂ වීදුරුවක් මගින් බැහැරව සිට නිලදාරින්ට නිරීක්ෂණය කිරීමට ඉඩ ප්‍රස්තා ලබා දී තිබේ. කාන්තා සහ ළමා කටයුතු පිළිබද වෙනම අංශයක් ඇත. මසකට ගෘහස්ත ප්‍රචණ්ඩත්ව සිදුවීම් 30 ක් 40 ක් පමණද ළමා අතවර 3 සිට 4 දක්වා සන්කයවක්ද වාර්තා වන බව පැවසේ.
අපිට පොලිසිය කොපි බිමට දුන් අතර අතේ බදින ඔරලෝසුවක්ද තෑගි කෙරිණි.
මා ශ්‍රී ලංකාවේ පොලිසියකට ගොස් ඇත්තේ දෙවතාවක් පමණි. එනම් කුඩා කල මගේ අම්මා ඇගේ හදුන්පත නැති වූ අවස්ථාවේ පැමිණිල්ලක් දැමීමට මා කටුව පොලිසියට ගියාය. ඊළගට මිට වසර 03, 04 කට පෙර වින්දිත සරත් කුමාර නයිදොෂ් බැලීමට මොරටුව පොලිසියට ගියෙමි. අපි එහි ගිය අවස්ථාවේ ඔහුව ඉතා අමානුෂික ලෙස වදහින්සාවට පාත්‍ර කර තිබිණි.
ඊළගට ගියේ දිස්ත්‍රික් උසවියටයි. මේ සදහා ඉඩ කඩ ලබා දීමට වෙහෙස වුයේ මැයි 18 කාර්යාලයේ සොන්ග්හි සොහොයුරියයි. අපි සිවිල් සහ අපරාද අදිකරණයක නඩු ඇසීම නිරීක්ෂණය කළෙමු. සිවිල් අදිකරණයේදී විනිසුරුවරුන් තිදෙනා නඩුව අසා අවසානයේ උසාවිය තුල අප සමග චායාරුපයකටද පෙනී සිටියහ. ඔවුන් අපව හෝටලයකට කැදවා ගෙන ගොස් දිවා බෝජනයෙන්ද සංග්‍රහ කරනු ලැබිණි.
ඊළගට අප ගියේ උසවියේම ඇති විශේෂ වින්දිතා සහයෝගිතා ඒකකය වෙතය. එය ඉතා ප්‍රියජනක විදිහට සකස් කර තිබිණි. ළමා අපචාර ස්ත්‍රී දුෂණයට පාත්‍ර වන වින්දිතයින්ට උසාවියට ඉදිරිපත් වීමට පෙර ඔවුන්ව ශක්තිමත් කිරීම සදහා උපදේශනය සැපයේ.
අපි උසාවි කාර්යාලද නිරීක්ෂණය කළෙමු.
ඊලග ස්ථානය යුයේ ගුවන්ග්ජු මානව හිමිකම් කොමිසමයි. ඔවුන් අපට කොමිසමේ වැඩ කටයුතු පිළිබද සැසියක් පවත්වනු ලැබිණි. එනම් පරිගණකය ඔස්සේ ඉදිරිපත් කිරීමක් සිදු කළේය. අපිට ප්‍රශ්න ඇසීමේ අවස්ථාවද ලබා දෙනු ලැබිණි.
මා අනුස්මරණ පදනමට කල යෝජනාවක් විය. එනම් මෙම ස්ථාන නැරබීමට මැයි 18 ඇකඩමියට සහ වින්ටර් ස්කුල් සහබගිවන්නන්ට අවස්ථාව ලබා දිය යුතුය යන්නය.
ඉතින් ගෙවීගිය සිකුරාදා ඉතා පලදායි වූ බව සතුටින් පවසමි.
No comments:
Post a Comment